- Lyrics
- Album list
- Singer Intro
黃西田
-
工廠大兄
19182/《工場大兄》Kang-tiûnn Tuā-hiann 黃西田N̂g Se-tiân
忍耐一切為生活 jím-nāi it-tshè uī sing-ua̍h 毋驚任何的拖磨 m̄-kiann jīm-hô ê thua-buâ 認真拍拚求成功 jīn-tsin phah-piànn kiû sîng-kong 毋通𨑨迌來放蕩 m̄-thang thit-thô lâi hòng-tōng
↓↓(口白)---(口白)↓↓ 喂~兄弟 uê~ hiann-tī 我是工場的大兄啦 guá sī kang-tiûnn ê tuā-hiann--lah 苦勸恁出外人 khóo-khǹg lín tshut-guā-lâng 交朋友著愛注意 kau pîng-iú tio̍h-ài tsù-ì 毋通常常欲做姼仔詼 m̄-thang siông-siông beh tsuè tshit-á-khue 出門咱爸母有交代 tshut-mn̂g lán pē-bú ū kau-tài 咱著愛拍拚做工課 lán tio̍h-ài phah-piànn tsuè khang-khè 才會袂予人看衰啦 tsiah ē buē hōo-lâng khuànn-sue--lah ↑↑(口白)---(口白)↑↑
↓---(伴唱)---↓ 工場大兄 kang-tiûnn tuā-hiann 真有名 tsin ū-miâ 真拍拚 tsin phah-piànn 以身作則又真拚 í-sin tsok-tsik iū tsin piànn 勸咱逐家 khǹg lán ta̍k-ke 著愛做好囝 tio̍h-ài tsuè hó-kiánn 勸咱著愛做好囝 khǹg lán tio̍h-ài tsuè hó-kiánn ↑---(伴唱)---↑
Find more lyrics at ※ Mojim.com 為著朋友為情義 uī-tio̍h pîng-iú uī tsîng-gī 打抱不平論情理 tá-phāu-put-phîng lūn tsîng-lí 為著自己為逐家 uī-tio̍h tsū-kí uī ta̍k-ke 工場大兄有度量 kang-tiûnn tuā-hiann ū tōo-liōng
↓↓(口白)---(口白)↓↓ 喂!大的 uê! tuā--ê 師傅啊 sai-hū--ah 毋通大漢欲食細漢 m̄-thang tuā-hàn beh tsia̍h sè-hàn 師傅人毋通 sai-hū-lâng m̄-thang 常常欲欺負師仔工 siông-siông beh khi-hū sai-á-kang 人講善有善報 lâng kóng siān iú siān-pò 惡有惡報 ok iú ok-pò 這个道理 tsit ê tō-lí 你敢毋捌是毋 lí kám m̄-bat sī--m̄ ↑↑(口白)---(口白)↑↑
↓---(伴唱)---↓ 工場大兄 kang-tiûnn tuā-hiann 真有名 tsin ū-miâ 真拍拚 tsin phah-piànn 以身作則又真拚 í-sin tsok-tsik iū tsin piànn 勸咱逐家 khǹg lán ta̍k-ke 著愛做好囝 tio̍h-ài tsuè hó-kiánn 勸咱著愛做好囝 khǹg lán tio̍h-ài tsuè hó-kiánn ↑---(伴唱)---↑
- Special thanks to W.B. Chen for sharing the lyric.
- Related Links: W.B. Chen
|