- 專輯介紹
- 歌詞
- 專輯列表
- 歌手介紹
李子森
-
愛情路
作詞:徐鳳儀 作曲:徐鳳儀 編曲:謝佳旺
春天的花開甲遐爾癡迷 心頭也親像有一陣風吹來佮阮陪 感謝天公伯 熟似你的機會 心內的話 唱出這一切
冬天的雪雖然冷甲有徹底 但是有你的陪伴 予阮袂畏寒 你的咒誓 囥佇心肝 佮你相倚 阮得啥物攏毋驚
愛情的路 毋通遐爾艱苦 輕鬆腳步 得親像佇跳探戈 對著音樂聲搖 將一切交互阮照顧 溫柔是阮的步數
愛情的路 毋通遐爾艱苦 綴阮腳步 做陣跳出愛的路 著算天色變黑 還是去淋著雨 毋免煩惱 按呢好否
------------------------------------------
6509/《愛情路》Ài-tsîng-lōo 李子森Lí Tsú-sim
春天的花 tshun-thinn ê hue 開甲遐爾痴迷 khui kah hiah-nī tshi-bê 心頭也親像 sim-thâu iā tshin-tshiūnn 有一陣風吹來佮阮陪 ū tsi̍t-tsūn hong tshue lâi kah gún puê 感謝天公伯 kám-siā thinn-kong-peh 熟似你的機會 si̍k-sāi lí ê ki-huē 心內的話 sim-lāi ê uē 唱出這一切 tshiùnn-tshut tse it-tshè
更多更詳盡歌詞 在 ※ Mojim.com 魔鏡歌詞網 冬天的雪 tang-thinn ê seh 雖然冷甲有澈底 sui-jiân líng kah ū thiat-té 但是有你的陪伴 tān-sī ū lí ê puê-phuānn 予阮袂畏寒 hōo gún buē uì-kuânn 你的咒誓 lí ê tsiù-tsuā 囥咧心肝 khǹg teh sim-kuann 佮你相倚 kah lí sio-uá 阮就啥物攏毋驚 gún tiō siánn-mih lóng m̄-kiann
愛情的路 ài-tsîng ê lōo 毋通遐爾艱苦 m̄-thang hiah-nī kan-khóo 輕鬆跤步 khin-sang kha-pōo 就親像咧跳探戈 tiō tshin-tshiūnn teh thiàu thàng-gòo 對著音樂聲搖 tuì tio̍h im-ga̍k-siann iô 將一切交予阮照顧 tsiong it-tshè kau hōo gún tsiàu-kòo 溫柔是阮的步數 un-jiû sī gún ê pōo-sòo
愛情的路 ài-tsîng ê lōo 毋通遐爾艱苦 m̄-thang hiah-nī kan-khóo 綴阮跤步 tuè gún kha-pōo 做陣跳出愛的路 tsuè-tīn thiàu tshut ài ê lōo 就算天色變烏 tiō-sǹg thinn-sik piàn oo 抑是去淋著雨 ia̍h-sī khì lâm tio̍h hōo 毋免煩惱 m̄-bián huân-ló 按呢好無 án-ne hó--bô
- 感謝 W.B. Chen 修正歌詞
- 友站連結: W.B. Chen
|