- 專輯介紹
- 歌詞
- 專輯列表
- 歌手介紹
江惠儀
-
橋跤
作詞:江惠儀 作曲:江惠儀
今日佮昨日 敢有無仝 仝款一个 寒冷的夜 烏暗的橋跤 孤單一个人 綴著水流聲 唱入夢
一領破舊的紅 閘袂牢風寒 由在風咧戲弄 雨沃澹了衫 敢是佮我相仝 行了傷遠 袂得振動 毋願越頭嘛毋閃避
橋跤的人影 喝甲梢聲予誰聽 無日無夜 汗嘛綴著 河水流袂焦 一直踮佇遮 等待相仝的心情 只是今日 猶未等著 經過的人
日時佮暗暝 嘛是相仝 橋跤仝款 照無日頭 風沙搧袂停 一層一層咧疊 殘缺的衫 嘛會守護我的紅
覕著風 覕著雨 走袂離的寒 帶著苦 帶著傷 猶堅定咧等
橋跤的人影 喝甲梢聲予誰聽 無日無夜 汗嘛綴著 河水流袂焦 一直踮佇遮 等待相仝的心情 只是今夜 猶是等無 經過的人
等彼一工 跳落水岸 等彼一工 就會無仝(我會無仝) 換幾日專工收看 換幾段生份紀念 只是橋跤 猶是橋跤
仝款一个 寒冷的夜 仝款孤一个 徛佇橋跤 拍落風沙 一工閣過一工 仝款向望 今日會當無仝
橋跤的人影 等待相仝的心情 風雨緊大 掩崁我的孤單我的吼 身軀踮佇遮 靈魂綴著河水去做夢 做著一个 行袂振動的人 河水若焦 會看著沉落的紅
------------------------------------------
18164/《橋跤》Kiô-kha 江惠儀Kang Huī-gî
今日佮昨日 kim-ji̍t kah tso-ji̍t 敢有無仝 kám ū bô-kāng 仝款一个寒冷的夜 kāng-khuán tsi̍t-ê hân-líng ê iā 烏暗的橋跤 oo-àm ê kiô-kha 孤單一个人 koo-tuann tsi̍t-ê-lâng 綴著水流聲 tuè tio̍h tsuí-lâu siann 唱入夢 tshiùnn ji̍p-bāng
一領破舊的紅 tsi̍t-niá phuà-kū ê âng 閘袂牢風寒 tsa̍h buē-tiâu hong-kuânn 由在風咧戲弄 iû-tsāi hong teh hì-lāng 雨沃澹了衫 hōo ak-tâm liáu sann 敢是佮我相仝 kám-sī kah guá sio-kāng 行了傷遠 kiânn-liáu siunn hn̄g 袂得振動 buē-tit tín-tāng 毋願越頭 m̄-guān ua̍t-thâu 嘛毋閃避 mā m̄ siám-pī
橋跤的人影 kiô-kha ê lâng-iánn 喝甲梢聲予誰聽 huah kah sau-siann hōo siáng thiann 無日無夜 bô-ji̍t bô-iā 汗嘛綴著河水流袂焦 kuānn mā tuè tio̍h hô-tsuí lâu buē ta 一直踮佇遮 it-ti̍t tiàm-tī tsia 等待相仝的心情 tán-thāi sio-kāng ê sim-tsiânn 只是今日 tsí-sī kim-ji̍t 猶未等著經過的人 iáu-buē tán tio̍h king-kuè ê lâng
日時佮暗暝 ji̍t--sî kah àm-mî 嘛是相仝 mā sī sio-kāng 橋跤仝款照無日頭 kiô-kha kāng-khuán tsiò-bô ji̍t-thâu 更多更詳盡歌詞 在 ※ Mojim.com 魔鏡歌詞網 風沙搧袂停 hong-sua siàn buē-thîng 一層一層咧疊 tsi̍t-tsân tsi̍t-tsân teh tha̍h 殘缺的衫 tsân-khueh ê sann 嘛會守護我的紅 mā ē siú-hōo guá ê âng
覕著風覕著雨 bih tio̍h hong bih tio̍h hōo 走袂離的寒 tsáu buē-lī ê kuânn 帶著苦帶著傷 tuà tio̍h khóo tuà tio̍h siong 猶堅定咧等 iáu kian-tīng teh tán
橋跤的人影 kiô-kha ê lâng-iánn 喝甲梢聲予誰聽 huah kah sau-siann hōo siáng thiann 無日無夜 bô-ji̍t bô-iā 汗嘛綴著河水流袂焦 kuānn mā tuè tio̍h hô-tsuí lâu buē ta 一直踮佇遮 it-ti̍t tiàm tī tsia 等待相仝的心情 tán-thāi sio-kāng ê sim-tsiânn 只是今夜 tsí-sī kim-iā 猶是等無經過的人 iáu-sī tán-bô king-kuè ê lâng
等彼一工 tán hit-tsi̍t-kang 等彼一工 tán hit-tsi̍t-kang 跳落水岸 thiàu-lo̍h tsuí-huānn 跳落水岸 thiàu-lo̍h tsuí-huānn 等彼一工 tán hit-tsi̍t-kang 等彼一工 tán hit-tsi̍t-kang 就會無仝 tiō ē bô-kāng 我會無仝 guá ē bô-kāng
換幾日專工收看 uānn kuí-ji̍t tsuan-kang siu-khuànn 換幾段生份紀念 uānn kuí-tuānn tshinn-hūn kì-liām 只是橋跤 tsí-sī kiô-kha 猶是橋跤 iáu-sī kiô-kha
仝款一个寒冷的夜 kāng-khuán tsi̍t-ê hân-líng ê iā 仝款孤一个徛咧橋跤 kāng-khuán koo tsi̍t-ê khiā tih kiô-kha 拍落風沙 phah-lo̍h hong-sua 一工閣過一工 tsi̍t-kang koh kuè tsi̍t-kang 仝款向望 kāng-khuán ǹg-bāng 今日會當無仝 kim-ji̍t ē-tàng bô-kāng
橋跤的人影 kiô-kha ê lâng-iánn 等待相仝的心情 tán-thāi sio-kāng ê sim-tsiânn 風雨緊大 hong-ú kín tuā 掩崁我的孤單 am-khàm guá ê koo-tuann 我的吼 guá ê háu 身軀踮佇遮 sin-khu tiàm-tī tsia 靈魂綴著河水 lîng-hûn tuè tio̍h hô-tsuí 去做夢 khì tsuè-bāng 做著一个 tsuè tio̍h tsi̍t-ê 行袂振動的人 kiânn buē tín-tāng ê lâng
河水若焦 hô-tsuí nā ta 會看著沉落的紅 ē khuànn-tio̍h tîm--lo̍h ê âng
- 感謝 W.B. Chen 修正歌詞
- 友站連結: W.B. Chen
|