- 專輯介紹
- 歌詞
- 專輯列表
- 歌手介紹
江惠儀
-
吳先生
作詞:江惠儀 作曲:江惠儀
伊住佇一個遙遠的所在 彼個熱天親像火燒的世界 伊的名字自細漢通人知 咱攏知
聽人講伊無耐心 閣加上性地真歹 逐工攏咧作眠夢 迒袂過名利阻礙 啥物夢遐爾精彩 我想欲看覓
Mr. Wu的遭遇 ooh 無人同情無人通解救 一冬閣過一冬的怨恨 踮心內踮雙手的傷痕 彼著是Mr. Wu ooh Mr. Wu
我飛來這個遙遠的所在 這個想過聽過幻想的世界 我看著伊坐佇樹跤看冊 咧等待
Mr. Wu的模樣 ooh 面容標緻體格嘛勇健 伊有善良溫柔的心肝 犧牲自由換大樹性命 這著是Mr. Wu ooh Mr. Wu
Mr. Wu的心事 ooh 無人關心無人會探聽 為著愛守護疼惜的人 擔著歹名聲猶徛佇遐 伊著是Mr. Wu ooh Mr. Wu
目睭擘開是熟似的所在 這個我聽我想我看的世界 原來只是眠夢伊並無存在 向頭看著一支紅菜頭 佇我手內 伊著是Mr. Wu ooh Mr. Wu
------------------------------------------
18151/《吳先生》Ngôo--sian-sinn 江惠儀Kang Huī-gî
伊蹛佇一个 i tuà tī tsi̍t-ê 遙遠的所在 iâu-uán ê sóo-tsāi 彼个熱天 hit ê jua̍h-thinn 親像火燒的世界 tshin-tshiūnn hué sio ê sè-kài 伊的名字 i ê miâ-jī 自細漢通人知 tsū sè-hàn thong-lâng tsai 咱攏知 lán lóng tsai
聽人講 thiann lâng kóng 伊無耐心 i bô nāi-sim 閣加上 koh ka-siōng 性地真䆀 sìng-tē tsin bái 逐工攏咧做眠夢 ta̍k-kang lóng teh tsuè bîn-bāng 迒袂過名利阻礙 hānn buē-kuè bîng-lī tsóo-gāi 啥物夢遐爾精彩 siánn-mih bāng hiah-nī tsing-tshái 我想欲看覓 guá siūnn-beh khuànn-māi
Mr. Wu的遭遇 Mr. Wu ê tso-gū 無人同情 bô-lâng tông-tsîng 無人通解救 bô-lâng thang kái-kiù 一冬閣過一冬的怨恨 tsi̍t-tang koh kuè tsi̍t-tang ê uàn-hūn 踮心內 tiàm sim-lāi 踮雙手的傷痕 tiàm siang-tshiú ê siong-hûn 更多更詳盡歌詞 在 ※ Mojim.com 魔鏡歌詞網 彼就是Mr. Wu he tiō-sī Mr. Wu~ Mr. Wu
我飛來這个 guá pue lâi tsit ê 遙遠的所在 iâu-uán ê sóo-tsāi 這个想過聽過 tsit ê siūnn--kuè thiann--kuè 幻想的世界 huàn-sióng ê sè-kài 我看著伊 guá khuànn-tio̍h i 坐踮樹跤看冊 tsē tiàm tshiū-kha khuànn-tsheh 咧等待 teh tán-thāi 等待 tán-thāi
Mr. Wu的模樣 Mr. Wu ê bôo-iūnn 面容標緻 bīn-iông piau-tì 體格嘛勇健 thé-keh mā ióng-kiānn 伊有善良溫柔的心肝 i ū siān-liông un-jiû ê sim-kuann 犧牲自由 hi-sing tsū-iû 換大樹性命 uānn tuā-tshiū sìnn-miā 這就是Mr. Wu tse tiō-sī Mr. Wu~ Mr. Wu 這就是Mr. Wu tse tiō-sī Mr. Wu~ Mr. Wu
Mr. Wu的心事 Mr. Wu ê sim-sū~ 無人關心 bô-lâng kuan-sim 無人會探聽 bô-lâng ē thàm-thiann 為著愛守護 uī-tio̍h ài siú-hōo 疼惜的人 thiànn-sioh ê lâng 擔著歹名聲 tann tio̍h pháinn miâ-siann 猶徛佇遐 iáu khiā tī hia 伊就是Mr. Wu i tiō-sī Mr. Wu~ Mr. Wu
目睭擘開 ba̍k-tsiu peh-khui 是熟似的所在 sī si̍k-sāi ê sóo-tsāi 這个我聽我想 tsit ê guá thiann guá siūnn 我看的世界 guá khuànn ê sè-kài 原來只是眠夢 guân-lâi tsí-sī bîn-bāng 伊並無存在 i pīng bô tsûn-tsāi 向頭看著 ànn-thâu khuànn-tio̍h 一支紅菜頭 tsi̍t-ki âng-tshài-thâu 佇我手內 tī guá tshiú-lāi 伊就是Mr. Wu i tiō-sī Mr. Wu~ Mr. Wu 伊就是Mr. Wu i tiō-sī Mr. Wu~ Mr. Wu
- 感謝 W.B. Chen 修正歌詞
- 友站連結: W.B. Chen
|